KLASERA JOATEKO DERRIGORRA

• Arauak:

Euskal Autonomia Erkidegoko unibertsitatez kanpoko ikastetxeetako ikasleen eskubide eta betebeharrei buruzko apirilaren 19ko 160/1994 Dekretuak dio, 21. artikuluan, klaseetara joatea derrigorrezkoa dela.

Hala ere, eskola egunen %35eko hutsegitea onartzen da, hau da, ikasleak 20 hutsegite egin ditzake.

Behin hutsegite kopuru hori gaindituta, ikasleak ofizialtasuna galduko du.

Behin eta berriro gertatzen diren justifikatu gabeko hutsegiteek ikaslea eskoletara joateko eskubiderik gabe utziko dute eta hurrengo ikasturtean matrikula egiteko lehentasuna galduko du, bai eta ofizialtasuna ere. Hala ere, ez du galduko azterketa egiteko eskubidea.

• Adin nagusiko ikasleek edozein lan-harremanetan exigitzen direnen antzeko agiriak aurkeztu beharko dituzte beren hutsegiteak justifikatzeko.
• Gurasoek edo tutoreek justifikatu beharko dituzte adin txikiko ikasleen hutsegiteak. Guraso edo tutoreren batek ikasleren baten hutsegiteak etengabe justifikatzen dituela uste baldin bada, ikasketa-buruak beste justifikagiri batzuk aurkezteko eskatu ahal izango du.
• Hutsegitea aurrikus badaiteke, ikasleak irakasleari hutsegitea bera baino lehen jakinaraziko dio. Aurrikus ezin badaiteke (gaisotasuna, istripua... dela medio) eskoletara itzuli bezain laster emango dio horren berri.
• Orain arte adierazitako puntuak kontuan hartuta, Ordezkaritza Organo Gorenak ikasleen hutsegiteen arautzea finkatu beharko du Ikastetxearen Antolaketa eta Jarduera Araudian, baita hutsegite horiek eragin ahal dituzten zigorrak ere, apirilaren 19ko 160/1994 Dekretuak xedatutakoaren arabera.
• Edonola ere, azaroaren 10eko 24, 25 eta 26/1992 Legeek, Estatuak Erakunde Erlijiosoen Federazio eta Batzorde desberdinekin lankidetzan jarduteko akordioak onartzen dituztenek (92-11-12ko BOE), jasotzen dituzten ezaugarriak hartu beharko dira kontuan.

Ikasleak justifikatu gabeko 21 hutsegite betetzen dituenean, Eskolak gutuna bidaliko dio, ofizialtasuna galdu duela adieraziz. Ofizialtasuna galtzeak esan nahi du, lehentasuna galduko duela hurrengo ikasturtean.

Eskolako iragarki-taulan argitaratuko da hutsegiteen erdira iritsi diren ikasleen zerrenda.

Ikasle bat onartutako hutsegiteen kopurua agortzen duenean gutuna bidaliz emango zaio horren berri. Hutsegite guztiak agortu dituela eta ofizialtasuna galdu duela adierazten duen ikastetxeko gutuna jaso ondoren, ez da justifikanterik onartuko.

Edozein arrazoirengatik egun batzuetan klasera ikasle kopuru urria joateak ez ditu klaseak normaltasunez emateko betebeharretik salbuesten ikastegia eta irakasleak.

• Ikasturteko egutegia:

Artxiboak nola deskargatu.

Artxibo batzuk PDF formatuan dauzkazu .
Acrobat Reader behar duzu ireki ahal izateko. Ez badaukazu, hementxe deskargatu.

Eskolako egutegia 2009-2010